لو تحط دلّه فوق صدري تـرى.. فآآآآآحـت!!!!!!!

بسم الله الرحمن الرحيم

السلام عليكم ورحمة الله وبركاته

/

\

/

\

محبتك في صـدري تفيّـا تحـت الأضـلاع
ليا هزني شوقي وش أقول لك : طاحـت ؟!

ضوت بالعيون ولاوصل من طرفـك شعـاع
إليـن أرزم الـرعـاد وبروقـنـا لاحــت

اغني علـى طـرق المفـارق وانـا ملتـاع
وألآحي حمام الورق وأسكـت ليـا ناحـت

واسوق الرجل لو كان مابه سـوى المطـلاع
ولا جيته أمدى ضيقتي بالمشـي راحـت .,

يقولون : سوق الرجل دام الفجـوج اوسـاع
وانا اقول : رجلي من شقا الدرب ما إرتاحت

ابوصيك عقـب الهجـر لاتنـوي المرجـاع
طيوفك.. معي مع حر دمعي تـرى ساحـت

لـك الله وامآآنـه روح لكـن.. بـدون وداع
وبقول : ضيقة صـدر.. مرتـه وإنزاحـت

علي الحرام إنك هـوى والقصيـد إشـراع
ليا هـب هليـت القصيـده لـك وباحـت !

ترى لو حكيت وقلت : مـا أبيك .. انـا خـداع
لو تحط دلّه فوق صدري تـرى.. فآآآآآحـت

يعيـن الله الوالـي ليـا هفـنـي ذعــذاع
ويعين الله إن جـات الهواجيـس وإجتاحـت

بكيت السنين اللي مضت يـوم حبـي ضـاع
ولا قلت لي ليه أسرفت عينـك وصاحـت ..

يقولون لامنـك طريـت.. وهبـدت القـآآآع
علامك كذا... وإجابتي [ ضيقه وراحت ] !!

م/ن