يوم العرس

:


السلا م عليكم ورحمة الله وبركاته

اخباركم طيبين بنحبكن

انا اليوم جبت لكم موقف يخص احد معارفنا او بالاصح قرايبنا << فضيحه

كان يا مكان في قريب الزمان يعني مو قريب مره

كان في واحد ذكي اسمه "الشاطر حسن "

وكان بيتزوج مع اخوه في ليله وحده

وجهزوا طبعا كل شي لاستعداد لحفل الزواج ......

وفي لليلة الزواج الكل طبعا فرحان وسعيد

وجات لحظةالشاطر حسن ياخذ عروسته ويوديها شقتهم

والدنيا مو سايعة الشاطر حسن من الفرحه <<< لا تفرح ياشاطر كثير ما يدري المسكين وش راح يصير << يا عيني

ودخلوا الشقه _ كانت الشقه في عماره صغيره مكونه من ثلاث ادوار

وكل دور مكون من شقتين

وشقته في الدور الثالث مقابل شقة اخوه << المعرش الشاني _

وبعد ما ضل فتره بالشقه دق خويه عليه

خويه : الو

الشاطر حسن : وعليكم السلام << خخخخ انواع الارتباك

خويه : هلا والله بالمعرس هدي ياخوي انت من قدك الحين

الشاطر حسن : هلا بيك عقبالك << وجهه محمر

خويه : لا تسمعك زوجتي لاتخرب عليك زواجك

الشاطر حسن ووجهه صار عنابي يؤ نسيت انك متزوج <<< انواع اللخبطه
خويه : يا حليلك ودي اطول معك تصدق احس اني مشتاق لك

الشاطر حسن : اقول آمر بغيت شي

خويه : ما يامر عليك عدو ... وقالوها من لقى احبابه شوت باصحابه

الشاطر حسن : لا وش دعوه

خويه قلب عليه يبغى يجننه : يلا بس اطلع لي انا مو فاضي لك تعال انا عند الاصنصير جبت لكم عشا .. شفت اني طيوب ما ادري وش بتسوي من دوني

الشاطر حسن ووده يصفقه : مشكووووور ما قصرت اشوي واطلع لك

خويه : لا تتأخر

الشاطر حسن : طوط طوط

طلع الشاطر حسن وهو في حوسه وطلع بالفنيله والسروال عادي من بيشوفه يعني << هذا ما قاله الشاطر حسن في نفسه

وسكر الباب وراه وهو في السيب تذكر ان الباب مايفتح الا من الداخل ولا فيه جرس وزوجته جوالها مو عندها << وش هالمصيبه وش هالحظ توهق الرجال

وحاول يفتح الباب بس هو متيقن انه ما يفتح من برا

قال : خلني اصرف هاللي ينتظرني قبل لا يعرف و يفضحني عند الشباب
وبعدين اشوف ان شاء الله القى حل

وراح عند خويه

خويه: وش فيك تأخرت

الشاطر حسن : لا بس كذا ابغى اجننك مثل ما جننتني << يضحك وفي نفس الوقت وده يسوي فيه جريمة قتل لانه يحس انه هو السبب اللي هو فيه الحين

خويه : الله يوفقك ويسعدك احسك مقهور مني ترى الشباب هم قالوا لي احرجك قدام زوجتك شوي .. لا تزعل

الشاطر حسن في نفسه ياليتها جات على كذا اهئ اهئ

الشاطر حسن : لا عادي ويعطيك العافيه ع العشا

خويه : يعافيك هذا اقل واجب ما سوينا شي

الشاطر حسن وهو يشيل العشا وفي نفسه الحين يلا فارق خلني احل مشكلتي

خويه :خلني اساعدك شيل نص ... ويقاطعه الشاطر حسن : مشكور اقدر اشيله لحالي <<< فاااااااااارق

خويه : يعني ما تبغاني اشيل معك طيب شيل نص وارجع للباقي

الشاطر حسن : اقدر اشيلهم كلهم مع بعض مع السلامه << طبعا الشاطر حسن ما يبغى يرجع لخويه مرتين لانه احتمال يكتشف انه ما دخل الشقه لانه يمكن يلاحظ ان الباب ما انفتح اصلا وتصير اعلوم
خويه : احسك ودك اني افارق
الشاطر حسن : لا وش دعوه تعال تفضل اقلط

خويه صحيح يعني عادي

الشاطر حسن :معب

خويه : يضحك
الشاطر حسن :عصب

خويه : خلاص خلاص لا تعصب ما خبري صار فيني كذا بيوم زواجي يوم حاولو الشباب يحرجوني...هدي ياخوي هدي

الشاطر حسن : انت وين وانا وين اقووول مع السلامه .. وفي نفسه يقول اذبحه افرمه اقطعه بسناني .. بلاك ما تدري في اللي انا فيه الحين بسببك

خويه وهو نازل مع السلامه والله يوفقك << اخيرا ما بغى يروح

ولمن تأكد ان خويه راح

بسرعه راح الشاطر حسن وحط الاكل على الارض عند الباب وصار يحاول يفتحه الباب << ما يبغى زوجته تدري

بس يوم يأس قال : هي تدري ولا غيرها يدري فراح يطق ع الباب علشان تفتح ولا حياة لمن تنادي<< لان الغرفه اللي هي جالسه فيها بعيده مره عن الباب ومستحيل انها تسمع الباب فما بال وهي عروس وين راح تركز ان فيه احد يدق ع الباب ولا لا .. وانه مستحيل تتوقع الي صار انه يصير
وحتى لو اسمعت شي مستحيل تظن انه هو
وهي تعتقد ان الشقه اصلا فيها جرس << يعني ما فيه امل تفتح

نرجع للمسكين اللي منطق عند الباب

وصار الشاطر حسن يضرب الباب بقوه وكل مره تزيد قوة الضربه بس ما فيه فايده

وفجاه سمع صوت جاي من اللفت المصعد الاصنصير المهم

اتضح له انه اخوه جاي مع زوجته بيدخلون شقتهم اللي مقابل شقته

وتصروع الرجال وراح يركض بسرعه وصعد ع الدرج بإتجاه السطح << خخخخ مسكين

وجلس ع الدرج وهو خايف كأنه واحد مسوي له جريمه :

وفجأه وقف ولطم وجهه بكفيه

وقال : العشااااااااااا << نساه عند الباب لووووول

ونزل ع الدرج بشويش وهو يردد يارب ما يشوفه يارب ما ينتبه له

وبعد ما تأكد ان اخوه دخل الشقه راح بسرعه شال العشا وطق ع الباب مرتين ع الماشي

وصعد ع الدرج

وهكذا صار ينزل ويطق ع الباب كذا مره ويصعد خايف ان احد يسمعه او يشوفه

فيأس من طق الباب فقال ما لي الا ابوي يجيب لي مفتاح للشقه يلا زوجتي وبوي يدرون ولا غيرهم << كل شوي يزيدوا

وصعد فوق علشان يدق على ابوه الا اخوه المعرس الثاني دق عليه

اخوه : السلام عليكم

الشاطر حسن : و عليكم السلام

اخوه : سلامات

الشاطر حسن : " لا يكون عرف شي " هاه .. على وش

اخوه : عشاك عند الباب وش السالفه

تنفس الشاطر حسن الصعداء يوم عرف ان اخوه ما عرف السالفه وقال بصوت واطي على العشا يهون

اخوه : هاه وش تقول ارفع صوتك

الشاطر حسن : هاه .. ايه اخذته .. خويي الله يهديه حطه عند الباب وانحاش ما ادري وش سالفته << يسوي نفسه انه طبيعي وما وراه مشكله
اخوه : قلت اقولك يمكن ما انتبه له تعرف الشقه ما فيه جرس

الشاطر حسن في نفسه طحت ع الجرح ياخوي لو بس فيه جرس ما كان هذا حالي

الشاطر حسن : لا خويي قال لي انه حطه عند الباب

اخوه : يلا اجل اخليك

الشاطر حسن : تعاااااال

اخوه : هلا

الشاطر حسن : اخذتوا عشاكم

اخوه : لا جاي ع الطريق

الشاطر حسن حب يتأكد علشان ياخذ احتياطاته <<اهئ كسر خاطري

اخوه : بغيت شي

الشاطر حسن : لا بس حبيت اقولك اذا رحت تاخذ العشا فلا تنسى تاخذ المفتاح معك تعرف الباب ما يتفح الا من داخل << خايف انه ينصف معه ع الدرج
اخوه : تخيل اطلع بدون المفتاح لا تخاف .. على بالي ومشكور ع التذكير

الشاطر حسن : تخيل والله وهقه << يسوي حاله مو طايح بهامشكله

اخوه : ايه والله

الشاطر حسن : يلا اخليك اجل مع السلامه << بيبكي

اخوه : مع السلامه طوط طوط

ياحظك ياخوي لو تدري بس اني اكلمك وانا فوق هالسطوح


وفي نفس الوقت

الزوجه استغربت تأخر زوجها بس كانت مستحيه تقوم من مكانها علشان تشوف وقالت اذا شافني يمكن يقول وشعندها هذي وين رايحه واتفشل ... بس لو اعرف وش اللي أخره ... ما فيه الا اني انتظر

اما الشاطر حسن قرر انه يقول لابوه

ودق عليه

الشاطر حسن : الو

ابوه وبدون ما يشوف اللي متصل : الو

الشاطر حسن : الو

ابوه : الو

الشاطر حسن : الو يبه

ابوه : طوط طوط

واتصل على ابو مره ثانيه بس ما رد


الشاطر حسن اشوي ودموعه تنزل


اتصل مره ثالثه على ابوه

الشاطر حسن : الو يبه انا ...

ابوه وبرضو ما اتنبه للمتصل : الو ..انا ما اسمع << ازعاج العرس

الشاطر حسن : يبه تكفى اسمعني اطلع برا علشان تسمعني

ابوه: انا ما اسمع شي وانا مرررره مشغول الحين

الشاطر حسن : يبه انا فورطه...

ابوه مواصل كلامه وبدون انقطاع: وما عندي وقت احك راسي حتى

الشاطر حسن : يبه اسمعني انا..

وبرضو ابوه مواصل كلامه : ما اسمع شي كلموني بعدين يلا مع السلامه طوط طوط

انزلت دمعه من عيون الشاطر حسن <<لا تبكون .. امزح حبيت اسوي دراما شويه

المهم وما اطول عليكم ولاني اصلا تعبت

رجع على حالته يطق الباب ويصعد

الزوجه في هذي الا وقات متردده اروح ماروح اروح ماروح .. بس واخيرا قررت
وقالت :خلاص ما صارت هذي لا زم اروح اشوف وش اللي اخره

وهي متجهه للباب اسمعت احد يطق الباب

وتو الشاطر حسن بيصعد الا انفتح الباب ..وأخيرا جاك الفرج .. ما صدق انه شاف الباب ينفتح على طووووووووول دف الباب بقوه خل المسكينه زوجته تتروع .. وش ذا اللي جاي طاير وش صاير << يابرودك ياختي

وبعد ما ارتاح وعين من الله خير .. قال لزوجته السالفه كلها

وصارت لليلة الشاطر حسن بعد اللي صار كلها ضحك ووناسه << اصلح روائيه خخخخ

وتوته توته خلصت الحتوته

منقول

هههههههههههـ

مسكييييييييييييييين

يسلموو

الله يسلمك

منورة

بارك الله فيك

هههههههه
حلوووه القصة اسيره والي أحلى هذي
الشاطر حسن : طوط طوط
كأني اشوفك وانتي تقولينها قسم بالله جنان

أسعدكم الله دنيا وآخرة

تشرفت بمروركم

جزاكمـ الله خير

هههههههههههههههههههههههههههه

يآحرآم يكسر الخآطر ..

هذي صدق صآيره ولآ أنتي مألفتهآ ؟؟

بس مررررره حلوه ..

تسلمين ..

لا جتني على الايميل

الله يسلمك

نورتِ

جزاك الله خير